Pólverjar fara heim í jólafrí

Stór hluti yfir 300 pólskra starfsmanna verktakafélagsins Ístaks fer heim til Póllands á morgun með flugvél Iceland Express í jólafrí en von er á þeim hingað að nýju í janúar.

Að sögn Kolbeins Kolbeinssonar, aðstoðarframkvæmdastjóra Ístaks, búa flestir pólskir starfsmenn fyrirtækisins hér á gistiheimilum og verður enginn þeirra á landinu yfir jólin.

Kolbeinn sagði, að flestir Pólverjanna fari á morgun en einhverjir fara með öðrum flugvélum. Hluti af kjörum starfsmannanna er að Ístak sjái þeim fyrir ferðum til og frá landinu.  

• 1 blogg um fréttina

Bloggað um fréttina

• Þórunn Edda Björgvinsdóttir: jól jól