Ráðist á lögreglumenn
Setja bókamerki
Ráðist var á óeinkennisklædda lögreglumenn sem voru við störf á Laugavegi um kl. eitt í nótt. Lögreglumennirnir voru við fíkniefnaeftirlit þegar a.m.k fimm karlar veittust að þeim. Tveir lögreglumenn voru fluttir með sjúkrabíl á sjúkrahús. Annar þeirra hlaut þungt höfuðhögg. Fjórir voru handteknir.
Að sögn lögreglu voru högg og spörk látin dynja á lögreglumönnunum. Þrátt fyrir tilkynningu um að þarna væri lögregluaðgerð þá kom til mikilla átaka. Einn lögreglumannanna hlaut þungt höfuðhögg. Lögreglumaðurinn liggur enn á slysadeild. Alls fóru fjórir lögreglumenn á sjúkrahús, en tveir þeirra hlutu minniháttar meiðsl.
Að sögn lögreglunnar á höfuðborgarsvæðinu tengjast árásarmennirnir ekki eftirlitsaðgerðum fíkniefnalögreglunnar á Laugavegi. Hún segir árásarmennina hafa verið á ferðinni þegar þeir urðu óvænt varir við lögreglumennina með fyrrgreindum afleiðingum.
Kallað var eftir aðstoð og handtók lögreglan þrjá erlenda karlmenn og eina íslenska stúlku. Stúlkunni var sleppt eftir skýrslutöku í nótt. Karlmennirnir gista nú fangageymslur.
Tveir mannanna, sem eru í haldi, hafa áður komið við sögu vegna ofbeldisverka, þ.á.m. fyrir að hafa ráðist á lögreglumenn.
„Eins og ef Alþingishúsið brynni hér“
90 milljóna ferð austur: „Hrokinn yfirgengilegur“
Fækka nefndum og auka eftirlit með styrkjum
Niðurstaða MDE kallar á breytingar
„Ef það er einhver einn lærdómur...“
Forsetafylgismenn dregnir í dilka
Vorum kannski ekki bara „hrópandi í eyðimörkinni“
Boðar 17 milljarða hagræðingu á næsta ári