Brotist var á veitingahúsið Kaffi Krók á Sauðárkróki um helgina en húsið skemmdist mikið í eldi aðfaranótt föstudag. Fram kemur á vefnum Skagafirði.com að á barnum megisjá ummerki um að þar hafi farið fram drykkja og eitthvað af áfengi var borið út úr húsinu.

Að sögn Jóns Daníels, eiganda staðarins, ætti ekki að fara fram hjá neinum ef ungmenni hafi verið að verki og komið síðan beint heim því megn reykjarlykt er á staðnum sem loðir við fatnað þeirra sem þangað fara inn. Jón og eiginkona hans unnu að því í dag að sækja persónulega muni sína inn á staðinn en að öðru leyti segja þau að framtíðin sé óskrifað blað. 

Rannsóknarlögreglan á Akureyri fer með rannsókn á eldsupptökum en þar á bæ er litlar fréttir að fá og svörin þau að niðurstöður prófanna komi ekki fyrr en undir vikulokin. 

Jón Daníel Jónsson