Þrúgandi óvissa í borginni

Þungt er yfir starfsmönnum í Ráðhúsinu og stofnunum borgarinnar og loft lævi blandið eins og í pólitíkinni. Borgarstarfsmenn eru orðnir langþreyttir á stjórnmálaástandinu, enda hefur það oft bein áhrif á starf þeirra og stöðu. Áætlanir og stefnumótunarskýrslur eru unnar fyrir ruslaföturnar og óvissa ríkir víða í þjónustu við borgarbúa.

Heilu ársverkin í uppnámi

Svið borgarinnar vinna að starfsáætlunum í samvinnu við kjörna fulltrúa í nefndum og ráðum mánuðum saman. Í tengslum við starfsáætlun er unnin fjárhagsáætlun. Þegar nýr meirihluti tekur við þarf að vinna áætlanir aftur í samræmi við nýjar pólitískar áherslur.

„Fólk vinnur allt haustið og sumarið líka, í að leggja línur eftir markmiðum meirihlutans,“ segir embættismaður, sem treystir sér ekki í viðtal undir nafni. Verða að taka hverju sem er Hann segir að fyrir rúmum hundrað dögum hafi stefnumótun og áætlanagerð fyrir nýbyrjað ár verið komin vel á veg, hana hafi þurft að taka upp að hluta og nú gerist það aftur.

„Það er sárt að sjá mikla vinnu spillast í valdabaráttu stjórnmálamanna,“ segir einn viðmælandi. Annar segir: „Embættismenn verða að taka hverju sem er og starfa eftir pólitískum markmiðum meirihlutans hverju sinni, en þeir eru mannlegir eins og aðrir.“ 

• 3 blogg um fréttina

Bloggað um fréttina

• Heiða H Matt: Borgarvitleysa
• Snorri Bergz: Það þarf að breyta lögum um sveitastjórnir
• Kristján H Theódórsson: Er ekki tímabært að setja einhver takmarkandi lög á svona …