Frá Hellisheiðarvirkjun Árvakur/RAX

Metrennsli á heitu vatni var eftir dreifikerfi Orkuveitu Reykjavíkur á höfuðborgarsvæðinu í morgun. Rennslið er farið að slaga upp í rennsli Elliðaáa, en hina miklu heitavatnsnotkun má að sjálfsögðu rekja til kuldans á höfuðborgarsvæðinu.

Rennslið fór mest í 15.200 tonn á klukkustund í morgun og  hefur aldrei verið meira, í tilkynningu segir að þetta megi rekja til mikillar uppbyggingar og vitaskuld þess að fremur kalt er í veðri.

15.200 tonn af vatni á klukkustund svara til liðlega fjögurra rúmmetra á sekúndu. Þá er straumurinn um heitavatnsleiðslurnar farinn að slaga upp í rennsli Elliðaánna, en meðalrennsli þeirra er um 4,7 rúmmetrar á sekúndu.

Eiríkur Hjálmarsson, upplýsingafulltrúi OR, segir enga hættu á vatnsskorti og að grípa þurfi til ráðstafana á borð við að loka sundlaugum líkt og á Selfossi og Stokkseyri.

Orkuveita Reykjavikur hefur gefið út bækling um það hvernig bæta má nýtingu heita vatnsins og má nálgast hann hér.