Furðuverur á faraldsfæti

Draugar, sjóræningjar, ofurhetjur og álfaprinsessur eru á meðal þeirra furðuvera sem fara á stjá um allt land í dag, en löng hefð er fyrir því að grunnskólabörn klæði sig upp í tilefni öskudagsins.

Líklegt má telja að furðuverurnar muni heimsækja fyrirtæki og stofnanir víða um land og syngja fyrir viðstadda og fá að launum sælgæti.

Með öskudegi hefst langafasta og stendur allt til páskadags. Í Sögu daganna eftir Árna Björnsson þjóðháttafræðing kemur fram að heiti dagsins er dregið af því að þá var ösku dreift yfir höfuð iðrandi kirkjugesta í kaþólskum sið og jafnvel með einhverskonar vendi yfir allan söfnuðinn.

• 4 blogg um fréttina

Bloggað um fréttina

• Egill: Hvar er ábyrgð foreldranna?
• Guðrún Helgadóttir: Háskólinn á Hólum
• Jakob Falur Kristinsson: Öskudagurinn
• Júlíus Garðar Júlíusson: Upp er runninn öskudagur...