Markús Örn skipaður forstöðumaður Þjóðmenningarhúss
Setja bókamerki
Forsætisráðherra hefur veitt Guðríði Sigurðardóttur lausn frá embætti forstöðumanns Þjóðmenningarhússins frá 1. maí nk. að eigin ósk. Þá hefur forsætisráðherra flutt Markús Örn Antonsson úr starfi sendiherra í Kanada með samþykki utanríkisráðuneytisins og skipað hann í embætti forstöðumanns Þjóðmenningarhúss frá og með 1. september.
Guðrún Garðarsdóttir, skrifstofustjóri og staðgengill forstöðumanns, mun gegna starfi forstöðumanns til 1. september nk.
Markús Örn hefur starfað sem sendiherra Íslands í Kanada frá 1. september 2005. Hann var útvarpsstjóri Ríkisútvarpsins 1985-1991 og svo aftur 1998-2005, borgarstjóri í Reykjavík 1991-1994, borgarfulltrúi í Reykjavík 1970-1985, ritstjóri tímaritsins Frjáls verzlun og fleiri tímarita hjá útgáfufélaginu Frjálst framtak hf. 1972-1983 og fréttamaður og dagskrárgerðarmaður við Sjónvarpið í árdaga þess.
Markús Örn Antonsson er kvæntur Steinunni Ármannsdóttur fv. skólastjóra.
Unnu að fullum heillindum að kaupum á TM
Almannavarnir auka viðbúnað
Nauðgaði kærustu sinni og tók það upp
Aðkoman í gripahúsið mjög slæm
Segjast hafa skotið niður langdræga sprengjuvél
29 nautgripir fundust dauðir
Gerir ráð fyrir 150 samningum í næstu viku
Mikilvægt að vera á tánum