Annþór Kristján Karlsson kom fyrir dómara í Héraðsdómi Reykjaness í kvöld og hefur verið úrskurðaður í þriggja vikna gæsluvarðhald. Hann verður í kjölfarið fluttur í fangelsið að Litla Hrauni í kvöld.

Annþór strauk úr haldi lögreglunnar á Hverfisgötu í morgun með því að brjóta sér leið út um glugga þar sem hann var á svokölluðum fangagangi.

Tveir aðilar, karl og kona, voru svo handteknir síðdegis grunaðir um að hafa aðstoðað Annþór við flóttann eftir að hann komst út úr fangelsinu. Karlinn var handtekinn á höfuðborgarsvæðinu en konan á Suðurnesjum. Þau eru bæði laus úr haldi lögreglu.

Annþór, sem er 32ja ára, hefur verið í gæsluvarðhaldi í tengslum við fíkniefnamál, en hann hafði komið inn til vistunar í fangageymslunni í gær að beiðni lögreglunnar á Suðurnesjum og fíkniefnadeildar ríkislögreglustjóra.

Tengdar fréttir

Annþór flýði

Gæsluvarðhaldsúrskurður staðfestur í Hæstarétti

• Annþór neitar alfarið sök
• Úttekt á starfsemi fangamóttöku flýtt
• Innanhúsrannsókn stendur yfir hjá lögreglunni
• Endurskoðunar þörf í fangelsismálum?

» Fleiri tengdar fréttir

Annþór og Börkur

Hæstiréttur hafnaði málskotsbeiðni Annþórs

• Ríkið sýknað af 120 milljóna kröfu Barkar
• Annþór og Börkur sýknaðir í Hæstarétti
• Dómur í máli Annþórs og Barkar í dag
• Ekki hægt að grípa næsta mann og ákæra

» Fleiri tengdar fréttir

• 2 blogg um fréttina

Bloggað um fréttina

• Mummi Guð: Fjör á Litla-Hrauni í kvöld.
• Stefán Friðrik Stefánsson: Annþór á Hraunið - afmælisveislan í vaskinn