„Ég hygg að klæðningin sem er utan á húsinu sé úr asbesti,“ segir Þorsteinn Hilmarsson, upplýsingafulltrúi Landsvirkjunar, um hús gömlu varaaflstöðvarinnar í Elliðaárdal sem Landsvirkjun færði Reykjavíkurborg síðastliðinn föstudag Í samkomulagi borgarinnar er gert ráð fyrir að Reykjavíkurborg sjái um að fjarlægja húsið.

Cornelis Meyles sérfræðingur hjá Umhvefisstofnun segir mjög strangar reglur gilda um niðurrif húsa sem eru með klæðningar úr asbesti, hvernig pakka eigi úrganginum, hvernig eigi að flytja hann og hvernig eigi að urða hann. Hann segir auk þess að ferlið sé dýrt. „Það hefur sannað sig að þetta er stórvarasamt og það þarf að vanda mjög vel til verka þegar þetta er urðað,“ segir hann en talið er að ef asbestagnir geti valdið krabbameini í lungum komist þær þangað í gegnum öndunarfæri.

Fyrir 9 árum samþykkti Landsvirkjun að fjarlægja húsið. „Það voru ýmsar flækjur í sambandi við frágang mála gagnvart Reykjavíkurborg,“ segir Þorsteinn ástæður þess að það hafi dregist. „Þetta hefur snúist um það hver hugur borgarinnar væri. Við höfum verið að bíða eftir því að geta gengið frá þessu,“

Ekki fengust upplýsingar hjá Reykjavíkurborg hver áætlaður kostnaður við niðurrif hússins er.

elias@24stundir.is