Leitað að fagstjórnanda í REI

Dagur B. Eggertsson, oddviti Samfylkingarinnar í borgarstjórn, segir að minnihluti borgarstjórnar Reykjavíkur sé að leita að fagstjórnenda til að taka sæti í stjórn REI dótturfyrirtækis Orkuveitu Reykjavíkur og muni tilnefna hann á næstu dögum.

Þetta kom fram í kvöldfréttum Ríkissjónvarpsins. 

Formaður stjórnar REI sem skipuð var í dag er Kjartan Magnússon, stjórnarformaður Orkuveitu Reykjavíkur. Auk hans var Ásta Þorleifsdóttir kjörin í stjórn REI. Minnihluta borgarstjórnar Reykjavíkur stendur sem fyrr segir til boða að tilnefna fulltrúa í stjórnina en Hjörleifur B. Kvaran, forstjóri Orkuveitunnar, skipar stjórnarsætið þar til tilnefning liggur fyrir. 

• 5 blogg um fréttina

Bloggað um fréttina

• Vignir Bjarnason: Ekki að undra að stjórnarandstaðan nái ekki saman um stjórnarmann
• maddaman: Kjartan og Ásta
• Jónína Benediktsdóttir: Minnihlutinn sýnir þroska í þessu REI máli.
• Þorsteinn Gunnarsson: Illa vonlaust jobb það....
• Heimir Lárusson Fjeldsted: Minnihlutinn hreinskilinn og viðurkennir vanmátt sinn.