Eigendur óskoðaðra bíla þurfi að borga

Dómsmálaráðuneytið er að endurskoða ákvæði umferðarlaga svo hægt verði að leggja allt að 30 þúsund króna gjald á þá eigendur ökutækja, sem vanrækja að færa ökutæki sitt til skoðunar á tilsettum tíma. Um 10% af öllum skráum bílum höfðu ekki verið færð til skoðunar um síðustu áramót.

Samkvæmt upplýsingum dómsmálaráðuneytisins voru skráð 258.009 ökutæki hér á landi um síðustu áramót, þar af voru 25.128 þeirra óskoðuð eða tæplega 10%. Segir ráðuneytið, að þetta sé með öllu óviðunandi ástand út frá umferðaröryggissjónarmiðum en skilvirk úrræði hafi til þessa skort til eftirfylgni með því að óskoðuð ökutæki séu færð til skoðunar.

• 2 blogg um fréttina

Bloggað um fréttina

• Mummi Guð: Eitthvað verður að gera.
• Jón Aðalsteinn Jónsson: Endilega að gera kerfið dýrara og flóknara