Vegagerðin varar við hálkublettum og hálku, og versnandi veðri á Norður -og Norðausturlandi. mbl.is/RAX

Varað er við versnandi veðri á Norður- og Norðausturlandi.
þar sem víðast hvar er éljagangur, snjóþekja og hálka.  Snjóþekja og snjókoma er á Öxnadalsheiði. Óveður og þæfingsfærð er í Víkurskarði en fært er um Dalsmynni. Þæfingsfærð er á Vopnafjarðarheiði.  Óveður er á Möðrudalsöræfum, og á Biskupshálsi og Sandvíkurheiði er ekkert ferðaveður, samkvæmt upplýsingum frá Vegagerðinni.

Á Suðurlandi eru  hálkublettir á Hellisheiði og í Þrengslum.

Á Vesturlandi er hálkublettir og skafrenningur er á Holtavörðuheiði og á
Fróðárheiði.

Á Vestfjörðum eru hálkublettir og skafrenningur á Steingrímsfjarðarheiði.
Hálkublettir eru í Ísafjarðardjúpi.  Snjóþekja er á Hálfdáni og er mokstur í gangi.

Á Austurlandi eru hálkublettir á Fjarðarheiði og í Oddskarði, á öðrum leiðum eru auðir vegir þó er þæfingsfærð á Breiðdalsheiði.