Mannabein fundust á víðavangi í Kjósarhreppi
Setja bókamerki
Mannabein fundust á víðavangi í Kjósarhreppi um kvöldmatarleytið í gær. Fram kemur á heimasíðu Kjósarhrepps, að beinafundurinn var þegar tilkynntur til lögreglunnar á höfuðborgarsvæðinu. Um var að ræða hauskúpu, tíu til þrjátíu ára gamla samkvæmt fyrstu vísbendingum. Talið er að hauskúpan sé af konu.
Lögreglumenn úr tæknideild lögreglunnar komu á svæðið um klukkan 23 i gærkvöldi og ljósabíll frá Slökkviliði höfuðborgarsvæðisins mætti til að lýsa upp vettvang. Ákveðið var að fresta ýtarlegri rannsókn á vettvangi til morguns þar sem ekkert fleira hefði komið í ljós.
Að sögn lögreglunnar á höfuðborgarsvæðinu fann maður sem var þarna á ferð beinin og tilkynnti lögreglu um fundinn. Læknir sem skoðaði beinin staðfesti að um væri að ræða hluta úr höfuðkúpu. Málið er í rannsókn.
Árshátíð ríkislögreglustjóra haldin í Tékklandi
Vona að Orkustofnun veiti ekki virkjunarleyfi
Tóku upp hanskann fyrir leikskólabörn
Eyjafjarðarbraut lokað vegna alvarlegs umferðarslyss
„Hvílir mikil leynd yfir þessu öllu“
Handtekin eftir að tvö börn fundust látin
Vélsleðaslys: Þyrlan kölluð út á mesta forgangi