Mjólkurlítrinn í 100 krónur

Mjólkin hækkar í tæpar 100 krónur um mánaðamótin.
Mjólkin hækkar í tæpar 100 krónur um mánaðamótin. mbl.is/ÞÖK

Mjólk hækkar í verði 1. apríl um 14,6% og fer verð á mjólkurlítra um 14 krónur. Þá hækkar vinnslu- og dreifingarkostnaðar mjólkur um 2,20 krónur á hvern lítra. Við þessa breytingu má gera ráð fyrir að einn lítri af nýmjólk hækki úr 87 krónum í tæpar 100 krónur en smásöluálagning á mjólk er frjáls.

Fram kemur í tilkynningu frá verðlagsnefnd búvara, að ástæður þessara verðhækkana séu einkum hækkun áburðarverðs, kjarnfóðurs  og fjármagnsliða í verðlagsgrundvelli kúabús.

Fulltrúi ASÍ sat hjá við atkvæðagreiðslu þar sem hann gat ekki staðið að hækkun á vaxtalið grundvallarins, en var tilbúinn til að standa að ákvörðun um hækkun á búvörum þar sem tekið væri tillit til kostnaðarhækkana eins og kjarnfóðri og áburði.

mbl.is
Fleira áhugavert
Fleira áhugavert