Um 20 atvinnubílstjórar tepptu umferð um Ölfusárbrú á Selfossi síðdegis í dag með því að aka löturhægt yfir hana, fram og aftur. Skapaðist mikið umferðaröngþveiti vegna þessa, samkvæmt upplýsingum lögreglu.
Þegar bílstjórarnir ætluðu að fara þriðju ferðina yfir brúna greip lögreglan í taumana og beindi þeim annað. Allt gekk friðsamlega fyrir sig, að sögn lögreglu.