Bílstjórar stefna að Bessastöðum
Bílstjórar hafa safnast saman í Hafnarfirði og ætla að aka framhjá Bessastöðum.
mbl.is/Júlíus
Setja bókamerki
Atvinnubílstjórar eru lagðir af stað frá Helluhverfinu í Hafnarfirði, þar sem þeir söfnuðust saman fyrir hádegið. Áforma þeir að aka út á Álftanes og þeyta lúðra þegar þeir fara fram hjá Bessastöðum, þar sem Mahmud Abbas, forseti Palestínumanna, snæðir hádegisverð.
Sturla Jónsson, talsmaður bílstjóra, sagði að þeir ætli að aka hægt út á Álftanes og „lúðra" þegar þeir aka fram hjá afleggjaranum að Bessastöðum. Á annan tug flutningabíla tekur þátt í aðgerðunum.
Lögregla er með mikinn viðbúnað og hefur tekið loforð af bílstjórunum um að þeir muni fylgja umferðarreglum. Sturla sagði, að þeim hefði verið sagt að það yrði ekki liðið ef þeir bregði út af því.
Meðal annars fylgja sérsveitarmenn lögreglu bílstjórunum eftir.
„Við eigum hvergi heimili“
Hjón sluppu með skrekkinn
Slökkva í síðustu glæðunum á morgun
Skrítin menning í bankanum
Allar rúður brotnar hjá Fiskikónginum
Segir óábyrgt að skipta út öllu bankaráðinu
Aðhald, frestun og eignasala