Missti stjórn á skapi sínu
Setja bókamerki
Ökumaður sem varð fyrir töfum vegna aðgerða vörubílstjóra á Reykjanesbraut laust eftir hádegi í dag missti stjórn á skapi sínu og ók með offorsi og grjótaustri framúr langri bílaröð, og var á endanum handtekinn.
Flutningabílstjórar tepptu allar akreinar til austurs í brekkunni um hádegisbilið, samkvæmt upplýsingum lögreglunnar, og óku á um 50 km hraða.
Við það myndaðist löng röð bíla fyrir aftan flutningabílana. Ökumaður fólksbíls í röðinni virtist ósáttur við tafirnar og spændi eftir vegöxlinni framúr röðinni, svo að grjóti rigndi yfir aðra bíla.
Hinn æsti ökumaður stöðvaði bíl sinn fyrir framan flutningabílana, og svo fór að hann var handtekinn og fluttur á lögreglustöð, þar sem verið er að ræða við hann.
Að sögn lögreglu er hann eitthvað farinn að róast.
Verðbólgan komin niður í 6%
Handteknir eftir myndatöku í Vesturbæjarlaug
„Hvílir mikil leynd yfir þessu öllu“
Æskuvinur Íslendings myrtur í Noregi
Hernaðaraðstoð samþykkt – Vopnasendingar í vikunni
Skiptir miklu meira máli en fólk grunar
Árshátíð ríkislögreglustjóra haldin í Tékklandi