Steinþór Stefánsson mokaði snjó af götum Egilsstaða í allan gærdag. mbl.is/Steinunn

Víða er snjór og hálka á vegum á landinu. Þannig eru hálkublettir á Holtavörðuheiði og í Bröttubrekku og á Vestfjörðum er ófært á Steingrímsfjarðarheiði, þar er verið að moka. Hálka og skafrenningur er á Eyrarfjalli og hálkublettir á Hrafnseyrarheiði.

Á Norðurlandi er hálka á Þverárfjalli og hálkublettir eru á Öxnadalsheiði, Siglufjarðarvegi og Víkurskarði.

Á Norðausturlandi er snjóþekja á flestöllum leiðum og stendur mokstur yfir. Á Austurlandi er þungfært á Vopnafjarðarheiði og Möðrudalsöræfum. Snjóþekja og skafrenningur eru á Fjarðarheiði og hálka á Fagradal. Í Oddsskarði eru hálkublettir og ófært er yfir Breiðdalsheiði, Öxi og Hellisheiði eystri.