Sauðburður er hafinn víðast hvar um landið þó að enn sé hann ekki kominn á fullan snúning. Að sögn sauðfjárbænda eru það einkum ær sem að hafa verið sæddar sem eru bornar þó allur gangur sé raunar á því.

Talsvert hefur verið um það að ær hafi látið lömbum í vetur og vor. Hafa menn jafnvel talað um faraldur hvað það varðar. Ekki hafi verið um svo umfangsmikið lambalát að ræða svo árum skiptir og kunna menn litlar skýringar á ástandinu.

Vona að vorið fari að koma

Veðurfar hefur mikið að segja um það hvernig lömb braggast á vorin og vonast bændur nú eftir því að vorið fari að koma af alvöru en víða um land hefur verið kalt að undanförnu. Á þetta ekki síst við um landið norðan- og austanvert. Á næstu vikum má búast við mikilli törn hjá bændum um allt land en af samtölum við þá má samt sem áðurgreina tilhlökkun.

freyr@24stundir.is