Tillaga um að taka við flóttamönnum samþykkt einróma
Setja bókamerki
Samþykkt var með 9 samhljóða atkvæðum á fundi bæjarstjórnar Akraness í kvöld, að fela bæjarstjóra, bæjarritara og sviðsstjóra fjölskyldusviðs að taka upp viðræður við félags- og tryggingamálaráðuneyti um móttöku og þjónustu við flóttafólk, allt að 30 manns.
Á fundinum var einnig kosið á ný í nefndir og ráð en nýr meirihluti Sjálfstæðisflokks var myndaður í bæjarstjórinni í síðustu viku þegar Karen Jónsdóttir, sem var fulltrúi frjálslyndra og óháðra, gekk til liðs við sjálfstæðismenn.
Ástæðan sem Karen gaf upp fyrir þessum flokkskiptum var andstaða Magnúsar Þórs Hafsteinssonar, varabæjarfulltrúa og varaformanns Frjálslynda flokksins, við að bærinn taki við þrjátíu landflótta Palestínumönnum. Magnús var formaður félagsmálaráðs Akraness en í hans stað var Tryggvi Bjarnason, lögfræðingur, kjörinn formaður á fundinum í kvöld.
Handtekin eftir að tvö börn fundust látin
„Á réttri leið en nokkuð í land ennþá“
Skar höfuðleðrið af íslenskri konu
„Skýr skilaboð til Seðlabankans“
„Okkur miðar í rétta átt“
Tveir í bílnum sem lenti utan vegar
Verðbólgan komin niður í 6%