Vestmannayjaferjan eins og fyrirhugað er að hún muni líta út. Ljósmynd/Harald M. Valderhaug

Vinnslustöðin og Vestmannaeyjabær hafa framlengt frest, sem samgönguráðuneytið fékk til að svara núju tilboði  í smíði og rekstur farþegaferju í Bakkafjöru.  Upphaflegur frestur til svars rann út að hádegi í dag en frestur til svars nú rennur út að hádegi á fimmtudag.  Ákvörðun varðandi tilboð Eyjamanna er í höndum samgöngu- og fjármálaráðherra.

„Það var auðsótt mál að veita framlengingu á fresti enda bendir það til þess að hið opinbera ætlar að leggjast vel yfir tilboð okkar.  Við buðum líka upp á möguleika á að ná heildarkostnaði enn frekar niður, m.a. með því að breyta vélum ferjunnar en við erum ekki til viðræðna um skerðingu á þjónustu eða burðargetu ferjunnar,“ segir Elliði Vignisson, bæjarstjóri Vestmannaeyja, við fréttavefinn Suðurland.is.

Haft er eftir Róbert Marshall, aðstoðamanni samgönguráðherra, á vefnum að fundur sé að hefjast í samgönguráðuneytinu þar sem fjallað yrði um tilboð Vestmannaeyjabæjar og Vinnslustöðvarinnar, en ákvörðun yrði þó væntanlega ekki tekin þar.