„Ég fagna þessari niðurstöðu mjög og ekki síst þeirri staðreynd að minnihlutaflokkarnir í borgarstjórn telji þá stefnu sem R-listinn stóð fyrir um byggingu Bitruvirkjunar óviðunandi,“ sagði Ólafur F. Magnússon borgarstjóri, eftir að ákvörðun stjórnar Orkuveitu Reykjavíkur (OR) um Bitruvirkjun lá fyrir í gær.
„Álit Skipulagsstofnunar og ákvörðun stjórnar Orkuveitu Reykjavíkur um Bitruvirkjun markar tímamót fyrir þá sem hafa barist fyrir því að náttúran njóti vafans.“
Allir flokkar lögðu fram bókun um málið í borgarstjórn í gær þar sem það var rætt utan dagskrár.