Ferðakostnaður borgarfulltrúa

Ferðakostnaður borgarfulltrúa og varaborgarfulltrúa var 12,2 milljónir króna í fyrra, að því er kemur fram í svari, sem lagt var fram á fundi borgarráðs í dag. Það sem af er þessu ári er kostnaðurinn rúmar 3,2 milljónir króna.

Alls nemur kostnaður við ferðir borgarfulltrúa tæpum 27 milljónum króna á tímabilinu frá 2005 til 2007 samkvæmt yfirlitinu. Eini borgarfulltrúinn, sem ekki hefur ferðast neitt á kostnað borgarinnar á þessu tímabili, er Ólafur F. Magnússon, borgarstjóri.

Á fundi borgarráðs létu fulltrúar minnihlutaflokkanna bóka, að gögnin um ferðakostnað dragi fram að allir aðal- og varaborgarfulltrúar hafi litið á það sem hluta af sínum starfsskyldum að sækja þekkingu út fyrir landssteinana, nema einn. Þá sé jafnframt mikilvæg sú yfirlýsing borgarstjóra, að við þessa ítarlegu skoðun hafi ekkert óeðlilegt komið í ljós.

• 3 blogg um fréttina

Bloggað um fréttina

• Rauða Ljónið: Fjórir Borgarfulltrúar Samfylkingarinnar með 26% af heildar kostnaði.
• Magnús Helgi Björgvinsson: Hvað er Ólafur að fara með þessum upplýsingum
• Árni Gunnarsson: Milljón á mánuði!