Condoleezza Rice sat í dag ráðstefnu um Írak í Stokkhólmi í Svíþjóð. Reuters

Íslandsdeild Amnesty International hefur sent Ingibjörgu Sólrúnu Gísladóttur, utanríkisráðherra, bréf þar sem hún er hvött til að taka upp í viðræðum við Condoleezzu Rice, utanríkisráðherra Bandaríkjanna, þau sem viðgangast í nafni stríðsins gegn hryðjuverkum og fara fram á að Guantánamo fangabúðunum verði lokað.

Von er á Rice hingað til lands í fyrramálið og mun hún eiga fundi með Ingibjörgu Sólrúnu og Geir H. Haarde, forsætisráðherra.

Í bréfi Amnesty segir að stefna og framkvæmdir Bandaríkjanna, sem lúti að varðhaldi í stríðinu gegn hryðjuverkum hafi grafið undan alþjóðlegri mannréttindalöggjöf. Vanvirðing við alþjóðleg mannréttindalög birtist m.a. í ótímabundnu varðhaldi fanga í Guantánamo, mannshvörfum, ófullnægjandi dómskerfi fyrir þá sem sakaðir eru um hryðjuverk, og leynilegum flutningum grunaðra til landa þar sem þeir gætu sætt pyndingum og annarri illri meðferð.

„aldhafar í Bandaríkjunum, þ.á.m. George W. Bush forseti, hafa sagt að Guantánamo eigi að loka. Amnesty International leggur áherslu á að það skuli gert með þeim hætti að mannréttindi fanganna verði virt. Lokun Guantánamo má heldur ekki nota sem afsökun til að flytja fanga annað eða til að draga athygli frá því kerfi framsals og leynivarðhalds sem Bandaríkin viðhalda," segir m.a. í bréfinu.