Engin ráðstöfunarheimild
Setja bókamerki
Már Másson, talsmaður Glitnis, segir ljóst að þeir sem stóðu að svonefndu netbankamálinu á sínum tíma hafi greinilega metið atvikið þannig að fjármunirnir væru ekki þeirra, annars hefðu þeir ekki afhent þá.
Aðspurður um hugmyndir Þorsteins Hjaltasonar, sem í gær var sýknaður í málinu, um að góðgerðarfélög fengju féð segir Már: Þetta eru góðar og gildar hugmyndir en þeir hafa engan ráðstöfunarrétt yfir þessum peningum. Þeir geta því ekki afhent þá öðrum.
Már sagði Glitni hafa veitt um 600 milljónum á undanförnum árum til fjölbreyttra góðgerða- og menningarmála gegnum Menningarsjóð Glitnis og álíti að það tali sínu máli. Hann sagði bankann ekki vilja tjá sig um sýknudóminn í gær, Glitnir væri ekki aðili að málinu heldur hefði það verið sótt af ríkissaksóknara. „Maður deilir heldur ekki við dómarann,“ bætti Már við.
Beint frá Kína
„Okkur miðar í rétta átt“
Vona að Orkustofnun veiti ekki virkjunarleyfi
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
Tapa fimm milljónum á dag
Verðbólgan komin niður í 6%
Hernaðaraðstoð samþykkt – Vopnasendingar í vikunni