Lengi tekist á við húmorsleysi
Úr auglýsingu Símans
Eftir Ylfu Kristínu K. Árnadóttur ylfa@mbl.is
„Mér finnst þetta fyrst og fremst fyndið. Þetta er nú bara auglýsing, ekki einhver grein í guðfræðiriti,“ segir Jón sem segist þó afar rólegur yfir málinu sem í gær var mest lesna fréttin á mbl.is og hafði kallað fram sterk viðbrögð lesenda. „Ég hef miklar mætur á Jesú og hann er að mínum dómi merkilegasti maður sem gengið hefur um á þessari jörð en ég hef alveg gert Jesú grín. Forðum daga lék ég leynilögreglumanninn Jesú sem leysti sakamál. Hann tók glæpamenn og fyrirgaf þeim jafnóðum. Þarna er ég ekki að gera grín að persónunni sjálfri heldur meira að hugmyndum fólks um persónuna.“
„Ég á erfitt með að trúa því að 5.000 manns hafi sett nafn sitt á lista út af svona kjánaskap og ég held að þetta séu margir Georgar Bjarnfreðarsynir og margir Ólafar Ragnarar Hannessynir sem nenna ekki að standa í einhverjum leiðindum og skrifa bara nafn sitt niður á listann.“
