Skurðlæknar hafa nú tekið boði ríkissáttasemjara um krónutöluhækkun og skrifað undir samninga.

„Við læknar sættum okkur hinsvegar ekki við boðna krónutöluhækkun,“segir Gunnar Ármannsson, formaður samninganefndar, og bætir við að m.a. sé það meginmarkmið lækna að ræða vaktafyrirkomulag lækna og að það verði sá viðræðuflötur sem hugsanlega gæti leitt til undirritunar samninga.

Uppsagnir ljósmæðra

„Ljósmæður eru búnar að fá nóg, það ætti að meta störf okkar að verðleikum og leiðrétta launin í samræmi við náms- og hæfniskröfur,“ segir María Egilsdóttir, ljósmóðir og hjúkrunarfræðingur á Akureyri. Fjórðungssjúkrahúsinu á Akureyri hefur nú borist uppsagnarbréf frá tæplega helmingi starfandi ljósmæðra á stofnuninni.

„Við bundum vonir við Samfylkinguna í stjórnarsamstarfi og vonumst því til að fá leiðréttingu á laununum,“ segir María og bætir við að fjöldauppsagnir ljósmæðra á landinu öllu skapi grafalvarlegt ástand.