Kaupmenn ævareiðir

Ingólfstorg minnkar um fjórðung ef hugmyndir um að færa tvö hús inn á torgið vegna hótelbyggingar ná fram að ganga. Kaupmenn við torgið áttu fund með Jakobi Frímanni Magnússyni miðborgarstjóra vegna málsins í dag. Þeir fréttu fyrst af þessum áformum skömmu áður en frestur til að gera athugasemdir rann út.

Kaupmennirnir óttast að gamla innréttingahúsið (Fógetinn) sem nýlega var fært í stand lendi í skugga nýbyggingarinnar sem verður á fimm hæðum. Andspænis innréttingahúsinu verður aðkoma í gríðarlega stóran bílakjallara sem á að þjóna hótelinu. 

Alls bárust 25 athugasemdir til skipulagsyfirvalda en kaupmennirnir gagnrýna hvernig staðið var að því að kynna breytingarnar og telja andstöðuna miklu meiri.

• 4 blogg um fréttina

Bloggað um fréttina

• Haukur Nikulásson: Vaxandi tilhneyging borgarinnar að ætla að lauma breytingum í gegn
• Billi bilaði: Og þá skiptir litlu máli hver er í stjórn...
• Bergur Thorberg: Jakob og kaupmennirnir
• Guðrún Emilía Guðnadóttir: Tvö hús inn á torgið, já er það?