Klerkar í bílveltu
„Eldklerkarnir" sluppu með minniháttar meiðsl úr bílveltunni.
mbl.is
Setja bókamerki
Eldur kom upp í bifreið er hún lenti utan vegar skammt frá Sveinsstöðum í Vatnsdal skömmu eftir hádegi. Séra Patrick Breen, kaþólski presturinn á Akureyri staðfesti við Fréttavef Morgunblaðsins að þrír kaþólskir prestar og biskup frá Póllandi hafi verið í bílnum. Þeir slösuðust lítillega.
„Lögreglan á Blönduósi sagði mér að einn þeirra hefði handleggsbrotnað," sagði séra Breen sem átti von á þessum erlendu gestum síðar í dag. Hinir slösuðu voru fluttir til skoðunar á Heilsugæslustofnunina á Blönduósi en þaðan verða þeir fluttir á sjúkrahúsið á Akureyri til frekari skoðunar.
Lögreglan á Blönduósi gat ekki staðfest hver tildrög slyssins voru en eins og sjá má á meðfylgjandi myndum varð bíllinn alelda og er talinn gjörónýtur.
Mesta mildi þykir að ekki fór verr er eldur kom upp í bíl eftir veltu í Vatnsdal.
mbl.is
Frá Vatnsdal.
mbl.is/Einar Falur
Fjárfestingin 115 milljarðar króna
Innviðir þandir og álagið „gríðarlegt“
Benda á Samgöngustofu sem bendir út í heim
Markaðurinn hitnar og leiguverð hækkar hratt
„Það er skiljanlegt að þolinmæði þeirra sé lítil“
Aukin tíðni þungunarrofa hjá yngsta aldurshópnum
Starfsfólk gæti fengið reikning frá Skattinum
Hafa samþykkt kaup fyrir um 9,2 milljarða