„Ég fer í framhaldsnám í eðlisfræði í Lundi í Svíþjóð í haust,“ segir Líney Halla Kristinsdóttir um framtíðaráform sín eftir útskrift úr Háskóla Íslands. Líney hlaut hæstu verðlaun, 500 þúsund krónur úr Verðlaunasjóði Guðmundar P. Bjarnasonar fyrir árið 2008, fyrir ágætis-einkunnina 9,59. Þetta er ekki í fyrsta sinn sem Líney nær afburðaárangri en þegar hún útskrifaðist frá Menntaskólanum við Hamrahlíð fékk hún hæstu meðaleinkunn í sögu skólans, 9,82.