Benedikt Hjartarson sundmaður lagði í morgun af stað yfir Ermarsund frá Englandi til Frakklands. Benedikt tók fyrstu sundtökin í átt að Frakklandi klukkan 7:36 að íslenskum tíma.

„Benedikt fór vel af stað," segir Gréta Ingþórsdóttir, sem er um borð í bátnum sem fylgir Benedikti yfir sundið.
 
„Veðrið er ágætt, nokkuð sléttur sjór," segir Gréta og bætir við að veðurspáin fyrir daginn sé í lagi, en að veðrið muni hugsanlega versna eitthvað þegar líður á daginn.

Benedikt hóf sundið frá Shakespare Beach í Dover og ef allt gengur að óskum mun hann taka land Frakklandsmegin eftir 12-14 klukkustundir. Hægt er að fylgjast með sundinu á sérstakri netsíðu, sem stuðningshópur Benedikts heldur úti.  

Heimasíða sundsins

Benedikt undirbýr sig undir sundið í morgun. Myndin er tekin af vefsíðu leiðangursins.

Tengdar fréttir

Ermarsund

Ermarsundsafreki fagnað í Nauthólsvík

• Boðsundsveitin reynir aftur um helgina
• Ekki verður af boðsundi
• Lafleur: Ákveðinni spennu aflétt
• „Aldrei aftur í sjóinn"

» Fleiri tengdar fréttir

• 1 blogg um fréttina

Bloggað um fréttina

• Óli Sveinbjörnss: Til hamingju Benedikt