Atgangur var í umferðinni á höfuðborgarsvæðinu í gærkvöldi og í nótt að sögn lögreglu og voru þrír ökumenn stöðvaðir fyrir ofsaakstur. Klukkan 22:30 í gærkvöldi var ökumaður mótorhjóls stöðvaður á 196 km/klst hraða á Hafnarfjarðarvegi, þar sem er 80 km/klst hámarkshraði. Að sögn lögreglu var hann færður til skýrslutöku á lögreglustöð og mun hann í kjölfarið missa ökuréttindi.
Þá var annar ökumaður stöðvaður á Hafnarfjarðarvegi um eitt leytið í nótt til móts við Silfurtún á 152 km/hraða. Að sögn lögreglu var sá ökumaður undir áhrifum áfengis.
Annar ökumaður mótorhjóls var stöðvaður á Kringlumýrarbraut um 11 leytið í gærkvöld á 152 km/klst hraða þar sem 80 km hámarkshraði.