Hluti mótmælenda hlekkjaði sig saman og lá á götunni en aðrir komu sér fyrir á einskonar stultum á veginum. mynd/Edit Ómarsdóttir

Mótmælum Saving Iceland samtakanna á Grundartanga lauk fyrir skömmu að sögn lögreglunnar í Borgarnesi og hafa allir yfirgefið svæðið.  Að sögn lögreglu verður farið yfir málið og í ljós kemur hvort ástæða þykir að kæra þátttakendur aðgerðanna.    

Um 20 félagar í samtökunum Saving Iceland samtakanna hlekkjuðu sig saman um hálf þrjú leytið í dag, og lokuðu veginum niður að Grundartanga.

Með aðgerðunum vilja samtökin m.a mótmæla umhverfistengdum og heilsufarslegum afleiðingum námugraftar og súrálsframleiðslu Century á Jamaíka og áætlunum fyrirtækisins um nýtt álver og súrálsverksmiðju í Vestur Kongó.  Century rekur álverið á Grundartanga.  Saving Iceland stöðvaði vinnu á fyrirhuguðu álveri Norðuráls í Helguvík síðastliðin laugardag.