„Það er alveg ljóst að ljósmæður eru á einu máli um að krefjast launaleiðréttingar, enda samþykktu 99% þeirra er kusu boðaðar verkfallsaðgerðir,“ segir hún en tekur fram að aðgerðirnar endi með ótímabundnu verkfalli í lok september.

„Okkur er alvara, við viljum afstýra vandamálinu til framtíðar með því að leiðrétta laun ljósmæðra og það ætlum við okkur að gera,“ segir Guðlaug en tekur fram að vilji sé að skrifa undir samning sem flest félög innan BHM hafa nú þegar samþykkt um 20.300,- króna hækkun allra grunnlauna.

Fjöldapóstur gekk manna á milli í júní til að vekja athygli á stöðu ljósmæðra og kom stuðningsfólk saman í kjölfarið við Stjórnarráð Ísland þar sem ríkisstjórnin fundaði. Kennarasamband Íslands, Læknafélagið og hjúkrunarfræðingar hafa einnig lýst yfir stuðningi við ljósmæður.