Allt gekk að óskum þegar þota Icelandair lenti á Keflavíkurflugvelli klukkan 17.20 í dag eftir að bilunar varð vart í vökvabúnaði. Um 190 manns voru um borð. Vélin var nýlögð af stað til Kaupmannahafnar þegar bilunarinnar varð vart, og var henni þá snúið við. Hún heldur væntanlega af stað aftur að lokinni viðgerð klukkan 18.15.

Ekki var mikill viðbúnaður á vellinum vegna lendingar vélarinnar, þar sem flugstjórinn hafði gert ráð fyrir að um eðlilega lendingu yrði að ræða.