Lögregla í sandkassaleik
Jóhann R. Benediktsson mbl.is/Júlíus
Eftir Örlyg Sigurjónsson
„Ég fullyrði að almenningur trúir því ekki hverskonar sandkassaleikur er við lýði innan lögreglunnar og þetta er svo dapurlegt að maður skammast sín fyrir að segja frá þessu. Þetta er hinsvegar staðreynd sem menn verða að horfast í augu við,“ segir Jóhann R. Benediktsson, fráfarandi lögreglustjóri á Suðurnesjum, um vantraust sem hann segir ríkja milli yfirstjórnenda í lögreglunni.
Í ítarlegu viðtali í sunnudagsblaði Morgunblaðsins fer Jóhann hörðum orðum um ríkislögreglustjóra og talar um hinn alvarlega samskiptavanda milli sín og dómsmálaráðherra í aðdraganda þess að hann ákvað á miðvikudag að hætta sem lögreglustjóri.
„Við höfum ekki umframorku í að slást við ráðherra og embættismenn,“ segir hann.
