Settur lögreglustjóri á Suðurnesjum

Ólafur K. Ólafsson, lögreglustjóri og sýslumaður Snæfellinga, hefur verið settur lögreglustjóri á Suðurnesjum frá 1. október til áramóta. Jafnframt hefur Jón F. Bjartmarz, yfirlögregluþjónn hjá ríkislögreglustjóra, verið settur aðstoðarlögreglustjóri embættisins og Halldóri Halldórssyni, fjármálastjóra lögreglunnar á höfuðborgarsvæðinu, verið falið að taka að sér fjármálastjórn þess til sama tíma.

Embætti lögreglustjórans á Suðurnesjum verður auglýst til umsóknar og veitt frá og með næstu áramótum, að því er segir í tilkynningu frá dómsmálaráðuneytinu.

• 2 blogg um fréttina

Bloggað um fréttina

• Kristján H Theódórsson: Jæja hann er reyndar bara SETTUR þessi!
• Guðbjörn Jónsson: Snyrtilegur biðleikur