Bréf Browns til Geirs.

Gordon Brown, forsætisráðherra Breta hefur lýst því yfir í bréfi sem hann ritaði til Geirs H. Haarde í dag að hann vonist til að geta leyst deilu landanna á samstarfsgrundvelli eins fljótt og auðið er.

Brown gleðst yfir þeim uppbyggilegu samræðum sem Geir og Alistair Darling fjármálaráðherra Bretlands áttu um málið og vonast eftir lausn eins fljótt og auðið er.

Bréfinu var dreift á blaðamannafundi í Iðnó í Reykjavík í dag og birtist hér í heild sinni:

Kæri Geir,

Ég skrifa þér nú til að lýsa yfir áhyggjum mínum vegna afleiðinga af aðgerðum íslenskra yfirvalda í tengslum við íslenska bankakerfið og vona ég að hægt verði að leysa þetta mál eins fljótt og auðið er.

Það gladdi mig að þú skulir hafa átt uppbyggilegar samræður í gegnum síma við Alistair Darling í gær og að embættismenn frá (breska) fjármálaráðuneytinu, Englandsbanka og fjármálaeftirlitinu og skaðabótasjóði fjármálaeftirlitsins muni heimsækja Reykjavík í dag til viðræðna.

Þar sem við eigum góð tvíhliða samskipti og mjög góð tengsl sem aðildarríki að Evrópska efnahagssvæðinu þá vonum við innilega að það verði hægt að leysa þennan vanda fljótt á uppbyggilegan hátt á samstarfsgrundvelli.

Þinn einlægur

Gordon Brown