Geir H. Haarde. mbl.is/RAX

Össur Skarphéðinsson, starfandi utanríkisráðherra, hefur í dag rætt við sendiherra Breta á Íslandi og Sverrir Haukur Gunnlaugsson, sendiherra Íslands í Bretlandi, hefur einnig átt viðræður við breska embættismenn í morgun vegna þeirrar deilu, sem er milli landanna um tapaðar inneignir Breta á íslenskum bankareikningum í Bretlandi.

Þetta kom fram í viðtali Útvarpsins við Geir H. Haarde, forsætisráðherra, í hádeginu. Þar segði Geir, að hann vonaðist til að deilunum muni linna innan tíðar.

Fram kemur hjá breska ríkisútvarpinu BBC að þeir Geir og Gordon Brown, forsætisráðherra Bretlands, hefðu átt uppbyggilegar samræður í gærkvöldi, eins og það er orðað.

Spurður hvort til greina kæmi að lögsækja bresk stjórnvöld fyrir að verða þess valdandi að Kaupþing banki féll svaraði Geir að það væri mál Kaupþings ef bankinn vildi höfða slíkt mál.