Kirkjan krefur ríkið um milljónir
Setja bókamerki
Kirkjumálasjóður, fyrir hönd þjóðkirkjunnar, krefst þess að úrskurðir óbyggðanefndar er varða kirkjujarðirnar Valþjófsstað og Hof verði dæmdir ógildir. Fyrirtaka í málinu fer fram í Héraðsdómi Reykjavíkur í dag.
Að sögn Ólafs Björnssonar, lögmanns kirkjunnar, er það mat kirkjunnar að úrskurður óbyggðanefndar feli í sér að þjóðlendurnar gangi inn á fyrrnefndar jarðir.
Er á því byggt að þinglýst landamerki sýni að þjóðlendukröfur séu of víðtækar. Umtalsverðir fjárhagslegir hagsmunir eru í húfi í tilfelli Valþjófsstaðar þar sem jörðin liggur inn á áhrifasvæði Kárahnjúkavirkjunar.
„Þetta mál mun að nokkru leyti snúast um að túlka gömul eignaskjöl sem ég tel að sýni að taka beri tillit til okkar krafna,“ segir Ólafur.
Kirkjan telur sig eiga rétt á meira en 100 milljónum vegna afnota Landsvirkjunar af vatnsréttindum í landi Valþjófsstaðar.
„Hvílir mikil leynd yfir þessu öllu“
Æskuvinur Íslendings myrtur í Noregi
„Á réttri leið en nokkuð í land ennþá“
Skemmtiferðaskip hætt komið nærri Viðey
Skiptir miklu meira máli en fólk grunar
„Okkur miðar í rétta átt“
Vélsleðaslys: Þyrlan kölluð út á mesta forgangi
Handteknir eftir myndatöku í Vesturbæjarlaug