Magnús Geir Þórðarson, leikhússtjóri Borgarleikhússins. mbl.is/G.Rúnar

Markaðsverðlaun ÍMARK voru veitt í dag og var Magnús Geir Þórðarson leikhússtjóri Borgarleikhússins var valinn  Markaðsmaður ársins og Össur var valið Markaðsfyrirtæki ársins.

Ólafur Ragnar Grímsson, forseti Íslands, afhenti verðlaunin fyrir hönd ÍMARK og er í 18. sinn sem verðlaunin eru veitt.

Össur var valinn Markaðsfyrirtæki ársins 2008 en auk þess voru Síminn og Vodafone tilnefnd til verðlaunanna. Þessi fyrirtæki hafa sýnt frábæran árangur hvert á sínu sviði og síðastliðið ár verið viðburðarríkt.
Magnús Geir Þórðarson leikhússtjóri Borgarleikhússins  var  valinn  Markaðsmaður ársins 2008. 

Ræðumaður dagsins var Leópold Sveinsson eigandi auglýsingastofunnar ARGUS  og kynnti hugmyndavinnu fulltrúaráðs ÍMARK um aðkomu markaðsfólks að lausn þeirra þrenginga sem Ísland er nú að ganga í gegnum.  Í ljósi breyttra aðstæðna í íslensku efnahagslífi hefur fulltrúaráð ÍMARK sem samanstendur af stjórnarmeðlimum og öðrum reyndum félögum, hafið vinnuferli sem hefur það markmið að virkja kraftinn sem býr í íslensku markaðsfólki. 

Hugmyndin er að virkja þekkingu og kraft markaðsfólks á öllum vígstöðvum og hafa jákvæð áhrif á gang þjóðfélagsmála .