Frá Grundartanga Árvakur/RAX

Á fundi stjórnar Faxaflóahafna sf. í morgun var m.a. fjallað um nýtt deiliskipulag á Grundartanga og viljayfirlýsingu við Greenstone um byggingu netþjónabús.

Varðandi nýtt deiliskupag á Grundartanga þá felur samþykkt stjórnar Faxaflóahafna sf. í sér að þau drög sem nú liggja fyrir verða send svveitarstjórn Hvalfjarðarsveitar til umfjöllunar en deiliskipulagið hefur verið unnið í mjög góðri samvinnu við hana, samkvæmt tilkynningu.

 Um er að ræða deiliskipulagningu á um 153 ha. svæði með um 100 lóðum af ýmsum stærðum.  Lóðirnar eru frá 3300 fermetrar upp í 80.000 fermrar að stærð.  Nokkur fyrirtæki hafa þegar fengið úthlutað lóð á Grundartanga, en með nýju deiliskipulagi er svæðið í stakk búið að taka við starfsemi fyrirtækja af ýmsum gerðum og stærðum.  reikna má með að samþykkti deiliskipulag liggi fyrir á fyrri hluta næsta árs.

Þá var samþykkt viljayfirlýsing við Greenstone, um úthlutun lóðar á Grundartanga, en fyrirtækið vinnur að því að byggja netþjónabú á svæðinu.  Lóð Greenstone yrði um 80.000 fermetrar.