„Bjarni móðgar framsóknarmenn"
Setja bókamerki
Magnús Stefánsson, þingmaður Framsóknarflokksins, segir að Bjarni Harðarson, sem sagði af sér þingmennsku fyrir flokkinn í síðustu viku, geri sig sekan um grófa móðgun í garð framsóknarmanna á heimasíðu sinni en þar segist Bjarni líta á sig og Guðna Ágústsson sem einu sönnu framsóknarmenn þjóðarinnar.
„Sú fullyrðing er gróf móðgun við mig og marga aðra framsóknarmenn, margir þeirra hafa litið á sig sem meiri framsóknarmenn en Bjarna Harðarson. Svona sperrileggsháttur sem Bjarni vinur minn sýnir af sér á sér ekki stoð í raunveruleikanum. Ég veit að margir flokksmenn í Framsóknarflokknum telja sig meiri framsóknarmenn en Bjarna Harðarson. Ég er í þeim hópi," segir Magnús á heimasíðu sinni.
„Bjarni, minn góði vinur, farðu nú ekki fram úr sjálfum þér núna, nóg er komið af slíku," bætir Magnús við.
Skiptir miklu meira máli en fólk grunar
Vélsleðaslys: Þyrlan kölluð út á mesta forgangi
Handtekin eftir að tvö börn fundust látin
Skar höfuðleðrið af íslenskri konu
Árshátíð ríkislögreglustjóra haldin í Tékklandi
„Það þarf að vinna mikinn fjölda upp“
Skemmtiferðaskip hætt komið nærri Viðey