Seðlabankinn og fjármálaráðuneyti komust á hryðjuverkalistann
Setja bókamerki
Hannes Hólmsteinn Gissurarson, prófessor og bankaráðsmaður Seðlabankans, skrifar í dag grein í bandaríska dagblaðið Wall Street Journal þar sem hann fer yfir bankahrunið á Íslandi og gagnrýnir Gordon Brown, forsætisráðherra Bretlands, harðlega fyrir aðgerðir gegn Íslandi.
Fram kemur í grein Hannesar, að Seðlabankinn og íslenska fjármálaráðuneytið hafi í stuttan tíma verið á lista breska fjármálaráðuneytisins yfir hryðjuverkasamtök eftir að eignir Landsbankans voru frystar í Bretlandi. Landsbankinn var einnig á listanum.
Greinin ber yfirskriftina: Ísland yfirgefið. Segir Hannes í greininni, að seðlabankar ríkja Evrópska efnahagssvæðisins, sem neituðu að koma til aðstoðar íslenska seðlabankanum í aðdraganda hrunsins, hafi varla gert sé grein fyrir því hvaða skaða þær aðgerðir myndu valda utan Íslands. Og Brown hafi sennilega ekki skilið, að með því að fella íslensku bankana myndi hann valda breskum sparifjáreigendum meira tjóni en ef hann hefði haldið ró sinni og tekið þátt í að leysa málin.
Handteknir eftir myndatöku í Vesturbæjarlaug
Skiptir miklu meira máli en fólk grunar
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss
Handtekin eftir að tvö börn fundust látin
„Okkur miðar í rétta átt“
Tóku upp hanskann fyrir leikskólabörn