Hafís færist nær landi

Á gervihnattamyndum frá því gær sést að hafís er um 50 sjómílur frá Straumnesi. Fram yfir helgi verður vestlæg átt ríkjandi að mestu leiti á Grænlandssundi og því mun ísinn færast enn nær landi.  Reikna má með að stakir jakar og rastir komi inn á Vestfjarðamið á næstunni og jafnvel nokkuð þéttur ís. Þetta kemur fram á vef Veðurstofunnar.

Sjávarhitinn á þessum slóðum er um 4°-5°C og því má búast við að ís bráðni frekar hægt. 

„Eins og ávallt eru sjófarendur beðnir um að fara að öllu með gát.  Einnig er rétt að hafa í huga að gervihnattamyndin hér að neðan gefur hugmynd um hafísröndina, en stakar jakar og rastir geta verið út fyrir hafísröndina sem teiknuð er inn á myndina," að því er segir á vef Veðurstofunnar.

• 2 blogg um fréttina

Bloggað um fréttina

• Hólmdís Hjartardóttir: Hvítabjarnaveiðar.
• Steingrímur Ingi Stefánsson: Ísbyrnir?