Vegagerðin varar við því að mjög slæmt ferðaveður sé nú á norðanverðu landinu.  Á Norðurlendi vestra er ófært og stórhríð frá Blönduósi í Varmahlíð og yfir Þverárfjall og frá Hofsósi í Siglufjörð.Stórhríð og hálkublettir eru í Húnavatnssýslum. Í Skagafirði er hálka og óveður.

Á Norðurlandi eystra er einnig ófært og stórhríð á Víkurskarði og Hólasandi. Þungfært og stórhríð er á Grenivíkurvegi og á Mývatnsheiði. Snjóþekja og stórhríð er á Fljótsheiði. Þæfingsfærð og óveður er á milli Raufarhafnar og Þórshafnar.

Þæfingsfærð og stórhríð er frá Reykjahlíð í Múvatnssveit og í Jökuldal.

Á sunnanverðum Vestfjörðum er ófært og stórhríð á Klettshálsi. Hálkublettir og stórhríð er Hjallahálsi og Ódrjúgshálsi annars hálkublettir og snjóþekja. Í Ísafjarðardjúpi og á Steingrímsfjarðarheiði er beðið með mokstur vegna veðurs. Á Vesturlandi eru hálkublettir og snjóþekja. Óveður er á Holtavörðuheiði. 

Á  Austurlandi er snjóþekja og verið er að hreinsa vegi.