Innlent | Morgunblaðið | 5.12.2008 | 5:30 | Uppfært 7:17

Samið við KSÍ um kostnað við stúku

Framkvæmdir vegna bygginar nýrrar stúku við Laugardalsvöll munu kosta Reykjavíkurborg mörg hundruð milljónum króna ...... mbl.isÁrni Sæberg

Borgarráð Reykjavíkur samþykkti í gær uppgjör við KSÍ vegna byggingar stúku á Laugardalsvelli.

„Ég er ánægður með að þessum þætti málsins er lokið,“ sagði Geir Þorsteinsson, formaður KSÍ. Hann sagði að lokauppgjöri á liðnu vori hefði verið frestað og beðið um lokaskýrslu. KSÍ lauk henni í sumar og síðan hefur verið unnið að því að ljúka málinu. „Aðilar bera kostnað hvor af sínum eignarhluta,“ sagði Geir. Hann sagði að KSÍ myndi alveg ráða við sinn hluta.

Samkvæmt tillögu fjögurra embættismanna borgarinnar að uppgjörinu sem lögð var fyrir borgarráð nam heildarkostnaður við alla framkvæmdina 1.658 milljónum króna. Hlutur ríkisins var 200 milljónir, án verðbóta, og hlutur KSÍ 543 milljónir. Viðbótarkostnaður við framkvæmdirnar, umfram upphaflegan samning nam rúmlega 573 milljónum. KSÍ taldi að hlutur Reykjavíkurborgar í viðbótarkostnaðinum næmi tæplega 470 milljónum kr. Búið var að borga 321 milljón og krafðist KSÍ mismunarins, auk verðbóta og vaxta, eða samtals 347 milljóna króna.

Embættismennirnir lögðu til að borgarráð samþykkti greiðslu umframkostnaðarins vegna eignarhluta borgarinnar. Einnig að fjárhæðin yrði verðbætt með 67 milljónum. Því skyldu KSÍ greiddar, að frádregnum fyrri greiðslum, 215,7 milljónir. Kröfu um greiðslu vaxta var hafnað.

Þá var samþykkt að hækka húsaleigu- og æfingastyrk til KSÍ vegna afnota frjálsíþróttadeilda af Laugardalsvelli og Baldurshaga úr 8 milljónum í 15. Afnot af Baldurshaga hafa aukist mjög eftir að honum var breytt í skylmingaaðstöðu.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Innlent »

Segir stuðning við Kanadadollar

22:15 „Þetta er rætt í alvöru á Íslandi. Efnahagsráðherrann fór til Kanada fyrir sex vikum og fundaði með kanadíska seðlabankanum og með þingmönnum og að ég tel fjármálaráðuneytinu líka. Hann kom síðan aftur til Íslands og sagði opinberlega að þetta væri möguleiki sem væri ekki hægt að útiloka.“ Meira

Brotist inn meðan íbúar skruppu frá

21:09 Tilkynnt var um innbrot í heimahús í Grafarvogi klukkan sjö í kvöld og söknuðu húsráðendur sjónvarps og ýmissa raftækja. Þeir brugðu sér af bæ í rúma klukkustund og þegar þeir komu heim var búið að brjóta rúðu og komust þjófarnir þannig inn. Meira

Stefnan áframhaldandi lágt gengi

20:11 „Það er alveg ljóst mál að þetta kosningaplagg ríkisstjórnarinnar sem kallað hefur verið framkvæmdaáætlun er byggð á þeirri forsendu að gengi íslensku krónunnar haldist álíka veikt og það er í dag,“ segir Einar Kr. Guðfinnsson, þingmaður Sjálfstæðisflokksins, í samtali við mbl.is. Meira

Tryggja að allir komist heilir heim

18:59 Haldið verður úti auknu umferðareftirliti í sumar á Vesturlandsvegi, Suðurlandsvegi og Reykjanesbraut af hálfu lögreglunnar á höfuðborgarsvæðinu í samvinnu við embætti ríkislögreglustjóra. Meira

Fundur Háskólalestarinnar fellur niður

18:22 Fram kemur í tilkynningu frá Háskólalestinni að fyrirlestur um forsetaframboðið sem fara átti fram á Ísafirði í kvöld klukkan 20:00 falli niður vegna þess að öllu flugi frá Reykjavíkur til Ísafjarðar í dag hafi verið aflýst. Meira

Meintar falsanir til lögreglunnar

19:39 Tekin var ákvörðun um það í dag af yfirkjörstjórnum í Reykjavík að vísa meintum fölsunum á undirskriftum á meðmælendalistum Ástþórs Magnússonar, forsetaframbjóðanda, til lögreglunnar á höfuðborgarsvæðinu. Meira

Gæsluvarðhaldið staðfest

18:29 Hæstiréttur hefur staðfest gæsluvarðhaldsúrskurð yfir tveimur karlmönnum sem grunaðir eru um að hafa valdið dauða samfanga síns í fangelsinu á Litla-Hrauni fyrir rúmri viku. Héraðsdómur hafði áður úrskurðað mennina í gæsluvarðhald til 13. júní. Meira

Húsbíll fauk af vegi

18:09 Húsbíll fauk í Fljótum, skammt frá Ketilási um hádegisbilið í dag. Tvennt var í bílnum og voru þau flutt á heilsugæsluna á Siglufirði til aðhlynningar. Meira

Ólafur mælist með mest fylgi

Ólafur Ragnar Grímsson, forseti Íslands.

18:09 Mikill viðsnúningur hefur orðið í fylgi við forsetaframbjóðendurna Ólaf Ragnar Grímsson og Þóru Arnórsdóttur ef marka niðurstöður nýrrar skoðanakönnunar Capacent Gallup sem greint var frá í fréttum Ríkisútvarpsins. Meira

Fíkniefni fundust í kjallaraíbúð

17:49 Talsvert magn af fíkniefnum fannst við húsleit lögreglunnar á höfuðborgarsvæðinu í kjallaraíbúð í miðborginni í gær. Meira

Yfirheyrslur héldu áfram í dag

18:00 Yfirheyrslur vegna láts fanga á Litla-Hrauni, sem talið er hafa borið að með sviplegum hætti, héldu áfram í dag og var nokkur fjöldi vitna yfirheyrður, þar á meðal fólk sem tengist fangelsinu. Meira

Bátur fauk á annan bát

Hvasst hefur verið á Suðurnesjunum í dag.

17:49 Afar hvasst hefur verið á Suðurnesjunum í allan dag og í morgun fauk bátur á annan bát í Grindavíkurhöfn. Meira

Harður árekstur í Engidal

17:42 Harður árekstur tveggja fólksbíla varð í Engidal í Hafnarfirði, til móts við hús Actavis, skömmu eftir klukkan hálf sex í kvöld. Annar bílinn valt á hliðina við áreksturinn. Meira

Fylgjast þarf með Krýsuvík

17:01 Sprungugos í norðurhluta þess sprungukerfis, sem liggur frá megineldstöðinni í Krýsuvík, geta hugsanlega komið upp í Heiðmörk eða í grennd við Elliðavatn og því er full ástæða til að fylgjast náið með því sem gerist á Krýsuvíkursvæðinu. Meira

Harma óvæginn fréttaflutning

16:49 Stjórn Orkuveitu Reykjavíkur leggur ríka áherslu á að mótuð verði vöktunar- og viðbragðsáætlun vegna umhverfismála á svæðinu í grennd við Hellisheiðarvirkjun. Stjórnin harmar jafnframt óvæginn fréttaflutning um tjarnarmyndun í grennd við svæðið. Meira

33 brotlegir ökumenn myndaðir

17:36 Lögreglan á höfuðborgarsvæðinu myndaði brot 33 ökumanna í Langarima í Reykjavík í dag en fylgst var með ökutækjum sem ekið var í suðurátt að Rósarima. Meira

Hnífjafnt á milli Ólafs og Þóru

16:51 Fylgi Ólafs Ragnars Grímssonar og Þóru Arnórsdóttur er jafnt samkvæmt niðurstöðum nýrrar skoðanakönnunar MMR sem birtar voru í dag. Samtals sögðust 41,2% ætla að kjósa hvorn forsetaframbjóðandann. Meira

Farinn frá Landsbankanum

16:12 „Ég tek ekki ákvörðun fyrir aðra, en ég stofnaði í dag reikning í Sparisjóði Norðfjarðar og ætla að flytja öll mín viðskipti frá Landsbankanum.“ Þetta segir Jens Garðar Helgason, formaður bæjarráðs í Fjarðabyggð, í samtali við mbl.is. Meira