Innlent | mbl | 10.12.2008 | 14:43 | Uppfært 17:55

Nefskattur vegna RÚV verður hærri en afnotagjaldið

Þorgerður Katrín Gunnarsdóttir menntamálaráðherra. mbl.is/Árni Sæberg

Takmarkanir verða settar á möguleika Ríkisútvarpsins til afla tekna af auglýsingum, skv. frumvarpi menntamálaráðherra til breytinga á lögum um Ríkisútvarpið ohf., sem lagt var fram á Alþingi í dag.

Meðal annars er óheimilt að sýna auglýsingar sem beinast að börnum í 10 mínútur fyrir og eftir útsendingu slíks efnis.

Nefskattur verður tekinn upp í stað afnotagjalds; einstaklingur og lögaðilar greiði 17.900 krónur á ári en afnotagjaldið á hvert heimili er nú 35,940 krónur. Í upphaflegum lögum um RÚV ohf. var gert ráð fyrir að nefskatturinn væri 14.580 kr. Hann mun renna beint í ríkissjóð en í sérstökum þjónustusamningi milli RÚV og ríkisins verði stofnuninni tryggðar tekjur.

Í frumvarpinu segir meðal annars:

Ríkisútvarpinu ohf. er óheimilt að afla tekna með kostun, nema þegar um er að ræða tiltekna stórviðburði.
Hlutfall auglýsinga af daglegum útsendingartíma Ríkisútvarpsins ohf., að kjörtíma undanskildum, skal ekki vera hærra en 10%. Á kjörtíma skal þetta hlutfall eigi vera hærra en 5%. Kjörtími telst útsendingartíminn frá kl. 19.00 til 22.00.
Hver auglýsingatími skal vera innan við 200 sekúndur. Ekki skulu vera fleiri en tveir auglýsingatímar á hverri klukkustund útsendingar.
Óheimilt er að rjúfa dagskrárliði sem eru styttri en 45 mínútur með auglýsingatíma.
RÚV verður óheimilt að afla tekna með vöruinnsetningu, þ.e. að semja við framleiðendur vöru og þjónustu um óbeina kynningu á vörum þeirra eða þjónustu með innsetningu þeirra í sviðsmyndir og hvers konar umfjöllun sem kann að hafa