Mótmælum hætt á Tjarnargötu
Setja bókamerki
Mótmælaaðgerðum hefur nú verið hætt við Ráðherrabústaðinn en mótmælendur gerðu samkomulag við lögreglu um að þeir mættu ganga framhjá bústaðnum á leið sinni niður í miðborgina. Áður hafði komið til átaka þegar mótmælendur reyndu að fara inn á skilgreint öryggissvæði lögreglunnar framan við húsið.
Mótmælendur söfnuðust saman um klukkan 8:45 framan við Iðnó og gengu að Ráðherrabústaðnum þar sem ríkisstjórnarfundur stendur nú yfir. Lögregla var með mikinn viðbúnað og er áætlað að 60-70 lögreglumenn hafi verið utan við Ráðherrabústaðinn.
Um 200 mótmælendur voru við Tjarnargötu þegar mest var og hrópuðu þeir slagorð og kröfðust afsagnar ríkisstjórnarinnar. Ráðherrar fóru inn í húsið bakdyramegin.
Nokkrir úr hópnum reyndu nokkrum sinnum að fara inn á öryggissvæði, sem lögreglan hafði skilgreint framan við húsið. Lögreglumenn tóku á móti og kom til nokkurra stympinga. Í kjölfarið gerði talsmaður mótmælenda samkomulag við lögreglu um að mótmælunum yrði hætt ef hópurinn mætti ganga framhjá Ráðherrabústaðnum á leið sinni niður í bæ og gekk það eftir.
Aukin tíðni þungunarrofa hjá yngsta aldurshópnum
/frimg/9/40/940831.jpg)
Telur eyðsluna munu rjúka upp úr öllu valdi
Ofsóttur innan veggja Boeing
Hjón sluppu með skrekkinn
„Þögnin er ærandi“
Fjárfestingin 115 milljarðar króna
Benda á Samgöngustofu sem bendir út í heim
Markaðurinn hitnar og leiguverð hækkar hratt