Spurt um laxveiðar ríkisbankanna
Setja bókamerki
Stjórn Stangveiðifélags Seyðisfjarðar hefur sent frá sér opna fyrirspurn til ríkisbankanna þriggja um hvort til standi að halda uppteknum hætti bankanna undanfarin ár að kaupa fjölda veiðileyfa í bestu laxveiðiám landsins með þeim afleiðingum, að verð þeirra hafi haldist uppi og úr öllu samhengi við almennt verðlag í landinu.
„Þessi kaup bankanna a laxveiðileyfum hefur m.a. orðið til þess að stuðla að hækkun leyfa úr öllu hófi þannig að stangveiðifélög hérlendis hafa ekki getað útvegað félagsmönnum sínum leyfi í laxveiðiám landsins, þar sem verðið hefur verið langt yfir getu hins almenna félagsmanns,“ segir í fyrirspurninni.
„Þar sem bankarnir eru nú í eigu almennings og með tilliti til þess hve ríkisvaldið sker nú niður í allri þjónustu og framkvæmdum væri það mjög athyglisvert ef bankarnir ætluðu að halda þessum kaupum á laxveiðileyfum áfram.“
Stjórn Stangveiðifélags Seyðisfjarðar óskar því eftir svari við því hvort bankarnir hafi nú þegar fest kaup á einhverjum laxveiðileyfum fyrir veiðitímabilið 2009.
„Skýr skilaboð til Seðlabankans“
Vona að Orkustofnun veiti ekki virkjunarleyfi
Kostnaður meiri en milljón á fermetra
„Umsátursástand“
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Banna mengandi búnað sem leyfður er á Íslandi
Shakespeare fannst í skókassa